এই পৃষ্ঠাটোৰ বৈধকৰণ হৈছে
শ্ৰীশ্ৰীকৃষ্ণায় নমঃ
হৰে কৃষ্ণ হৰে কৃষ্ণ কৃষ্ণ কৃষ্ণ হৰে হৰে,
হৰে ৰাম হৰে ৰাম ৰাম ৰাম হৰে হৰে॥
⸻⸻
সুধন্বাবধ পৰ্ব্ব।
পদ।
জয় জয় দৈৱকী নন্দন দয়াময়।
ব্ৰহ্মাহনে চিন্তি কৰে চৰণত সেৱ॥
লক্ষ্মী সৰস্বতী, গৌৰী হুয়োক সন্তোষ॥
গণেশ দেৱক বন্দো নধৰিবা দোষ॥
প্ৰণাম কৰোঁহো নাৰায়ণ হৃষীকেশ।
স্বৰ্গলোকে অনাদি মৰ্ত্ত্যত গোপবেশ॥
নৰৰূপে পৃথিবীৰ খণ্ডিলাহা ভাৰ।
কৃষ্ণ অৱতাৰক মোহোৰ নমস্কাৰ॥
