পৃষ্ঠা:সুধন্বাবধ পৰ্ব্ব.djvu/২৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

[২৫]

ধুতি যে কৰণ্ডি,  ধৰি চলি যাই,
নগৰৰ ভৈল বাজ॥
লৱৰন্তে আসি,   দুতে জান দিল।
তুমি নকৰিবা হেলা॥
হংস যে লিখিত,  তাৰা দুই ভাই,
ৰোষ কৰি চলি গৈলা।
বোলন্ত পুত্ৰক,   দণ্ড নকৰয়,
পৰৰ কাৰ্য্যত কাজি॥
পৰ ভৈলে হন্তে,   তপত তৈলত,
পেলাইলন্ত হন্তে ভাজি॥
হস্তী চুৰি কৰি,  ফুৰে আগে আগে,
বেঙ্গেনা মূলা চোৰক।
সিন্ধিয়াৰ চোৰ,   ৰাজাৰ কুমৰ,
নিহালে ঢেকি চোৰক॥
আপোনাৰ দোষ,   কেহো নাজানয়,
পৰৰ ছিদ্ৰক চাহে।
হেনয় পাপীষ্ঠ,   ৰাজ্যত থাকিতে,
আমাৰ যোগ্যতা নোহে॥
শুনা সভাসদ,   ভাৰতৰ পদ,
পিয়া আক কৰ্ণ ভৰি।
কহে হৰিদাস,  তেজা মায়া পাশ,
ডাকি বোলা হৰি হৰি।