পৃষ্ঠা:সুধন্বাবধ পৰ্ব্ব.djvu/২৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

[২৩]


দুলৰি।
নৃপতি বদতি,   ওৰে মলমতি,
কিসক বোলস বাপ।
লাজ নাহি মুখে,   মাতন্তে আছস,
লগাইলিহি কাপ জাপ॥
মোৰ মুখ চাই,   উত্তৰ কৰস,
বোলহ লগাওঁ দয়া।
হেৰ দেখ দুষ্ট,   তপত তৈলত,
মাৰিবো তোক পেলায়া॥
দূত যাহ চলি,   গুৰুৰ পাশক,
পুছি আস জান্তকৰি।
হংস যে লিখিত   তাৰা দুই ভাই,
বিহন্তোক দণ্ড কৰি॥
সুধন্বা কুমৰে,   আজ্ঞা ভঙ্গ কৰি,
মোক কৰিলেক হেলা।
ভাৰ্য্যাৰ বচনে,   সুৰত পালিল,
নাহিলেক এত বেলা॥
হেনয় প্ৰচণ্ড,   আজ্ঞা শুনি দূতে,
শীঘ্ৰ বেগে গৈলা ছলি।
হংস লিখিতৰ,   আগত মিলিল
জানু পাৰি কৃতাঞ্জলি॥