পৃষ্ঠা:সীতা হৰণ.djvu/৯৩

৮৯

সীতা হৰণ নাটক

 কি অকাৰ্য্য কৰিলোঁ অধমে?
 কোৱা ৰঘুমণি!
 কি ঘটনা ঘটিল তোমাৰ?
ৰাম— বোপা!
 কি শুনিবা বিস্ময় ঘটনা।
 সত্য অনুমান কৰিছিলা তুমি
 দেখি সেই সুৱৰ্ণ হৰিণ।
 নহয় প্ৰকৃত্ত্ব মৃগ সিটো;
 বিন্ধিলো যেতিয়া তীক্ষ্ণ শৰে,
 ৰাক্ষসৰ মুৰ্ত্তি ধৰি
 হ’ল সিটো ভয়ঙ্কৰ কায়,
 মোৰ স্বৰে
 নিশাচৰে মাতিলে তোমাক।
 অন্তিম সময়ে—
 কিবা মন্দ ভাব আছিল মনত তাৰ,
 বুদ্ধিৰ ছলনা কৰি ছলিলে আমাক
 নোৱাৰিলোঁ বুজিব নিশ্চয়।
 শুনা ভাই!
 অকাস্মাতে কেনে দৰে
 হোৱাদিছে শিয়ালৰ জাক;