পৃষ্ঠা:সীতা হৰণ.djvu/৬১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৫৭
সীতা হৰণ নাটক।


অনন্ত কালৰ হেতু
কৰিম এতিয়া তোক দীঘল বিদায়;
ৰাখক তপস্বী ৰামে সাধ্য আছে যদি!
নতুবা দুৰ্ম্মতি
যি আদেশ কৰো
ততালিকে পাল যতনেৰে।
সুবৰ্ণ হৰিণ হই-
সীতাৰ আগত যাবি,
দেখিলে জানকী
নিশ্চয় কৰিব বাঞ্চা
লওঁ বুলি স্বৰ্ণ মৃগ,
আদেশিব ৰামক সুন্দৰী।
ভাৰ্য্যা আজ্ঞাধীন ৰাম
কৰিব গমন—
মৃগৰ কাৰণে বনে,
নিবি তাক চলে বহুদুৰ;
মাতিবি ৰামৰ বাক্যে লক্ষ্মণৰ নামে
শুনিলে ৰামৰ মাত
আঁতৰিব নিশ্চয় লক্ষ্মণ
শুণ্য ঘৰে থাকিব জানকী;