এই পৃষ্ঠাটোৰ বৈধকৰণ হৈছে
৩২
সীতা হৰণ নাটক।
জয় শ্ৰীৰাম চন্দ্ৰৰ জয়! জয় শ্ৰীৰাম চন্দ্ৰৰ জয়!!!
জয় শ্ৰীৰাম চন্দ্ৰৰ জয়!!!
(লক্ষ্মণ ও সীতাৰ প্ৰবেশ)
সীতা— ৰণৰ বেলিকা নাথ!
বিন্ধিলে কোমল দেহ
কৰিলে ৰাঙলী—
ৰাক্ষসৰ বজ্ৰহেন শৰে;
দেখি হিয়া বিদৰিল মোৰ,
দেখি শ্ৰীচৰণ পুনু—
হ’ল সুস্থ দুখুনীৰ প্ৰাণ,
কত দুখ পালে দেহি যুদ্ধৰ সময়ে!
(কান্দে)
ৰাম— নকৰিবা শোক প্ৰিয়ে।
ক্ষত্ৰিয়ৰ ধৰ্ম্ম ইটো,
কিয় দুখ কৰাঁ অকাৰণে?
বিশেষতে-
নাই পোৱা দুখ,
অক্লেশে কৰিলোঁ ৰণ-
সিংহৰ সমৰে যেনে শিয়ালৰ দল,
সিমতে কৰিলোঁ ময় ৰাক্ষসক নাশ।
