এই পৃষ্ঠাটোৰ মুদ্ৰণ সংশোধন কৰা হৈছে
২৪
[৩য় অ ৩য় দৃ
সীতা
৩য় দৃশ্য-বাল্মিকিৰ কুটিৰ।
[ভূমি লুণ্ঠিতা সীতা]
(বাল্মিকিৰ প্ৰবেশ)
| বাল্মিকি— | দেবি জানকি। |
| সীতা— | (কান্দি) পিতা, পিতা, সৰ্ব্বনাশ হ’ল মোৰ। আপুনি নেথাকোতেই লৱ কুশই— |
| বাল্মিকি— | মই সকলো জানো। উঠা সতি। |
| সীতা— | মোৰ, মোৰ পিতা (কান্দে) |
| বাল্মিকি— | উঠা বিষাদ ত্যাগ কৰাঁ। (তুলি দিয়ে) তোমাৰ ভাগ্য বলৰে শ্ৰীৰামৰ একো অমঙ্গল হোৱা নাই। |
| সীতা— | মোক এনেয়ে কিয় প্ৰবোধ দিছে পিতা— |
| বাল্মিকি— | সত্য কথা। চাৰি ভ্ৰাতা এতিয়া পুনৰ্জীবীত। মই চিত্ৰকুটতে ধ্যান-বলত, যজ্ঞৰ ঘোৰাৰ বাবে, লৱ কুশৰ লগত শ্ৰীৰামৰ যুদ্ধৰ কথা জানিব পাৰি শীঘ্ৰে উভতি আহিছো। কেউজন এতিয়া সুস্থ শৰীৰেৰে অযোধ্যালৈ উভতি গৈছে। তুমি শোক নকৰিবাঁ সতি। |
| সীতা— | পিতা— |
| বাল্মিকি— | হয় দেখি, তুমি অবিধৰা, ভাগ্যৱতী। (ৰৈ) দেবি জানকি। |
| সীতা— | পিতা? |
| বাল্মিকি— | মোৰ অনুৰোধ ৰক্ষা কৰিবানে? |
| সীতা— | আদেশ কৰক দেৱ। |
| বাল্মিকি— | তুমি যাব লাগিব আকৌ—অযোধ্যালৈ। |
| সীতা— | সেই কথা নহয় পিতা। অয্যোধাই মোক নিচিনে, ৰঘুপতিয়ে মোক নিবিচাৰে, পাহৰিলে। |
