এই পৃষ্ঠাটোৰ বৈধকৰণ হৈছে
দুলড়ি
এহিমানে মই কহিলোঁ পৃথকে
ভক্তৰ যেন লক্ষণ।
যি মতে তাৰাৰ পীৰিতি হৈবেক
লোকৰ মুক্তি কাৰণ॥
সাধনে সহিতে ভক্তি ভেদচয়
কৰিলোঁহোঁ নিৰূপণ।
সকলো বৰ্ণৰ সবে আশ্ৰমৰ
দুখ-শোক নিবাৰণ॥ ১৬৮॥
সৰ্ব্বকালে হয় সৰ্ব্ব সিদ্ধ্যুদয়
চাৰি যুগে অভিমত।
যাত ভগৱন্ত সন্তোষ হোৱম্ভ
কহিলোঁ মই তোমাত॥
সাত্বত তন্ত্ৰৰ চতুৰ্থ পটল
এহিমানে সমাপতি।
শুনা সৰ্ব্বজন কৰি থিৰ মন
যাৰ বৈকুণ্ঠত মতি॥ ১৬৯॥
সংক্ষেপ পদত দোষ নধৰিবা
মই পুনু অল্পজন।
কিছু কিছু মাত্ৰ উদ্দেশ কৰিলোঁ
বাহুল্যত নেদি মন॥
