এই পৃষ্ঠাটোৰ বৈধকৰণ হৈছে
১০
সাত্বত তন্ত্ৰ।
দক্ষৰ যজ্ঞত ভৃগু আদি মুনিগণ।
আৰাধন্তে অৱতাৰ ভৈলা নাৰায়ণ॥
আঠবাহু দেখি তুতি কৰিলেক গণে।
যজ্ঞ প্ৰবৰ্ত্তাই চলি গৈলা ৰঙ্গমনে॥ ৪৩॥
প্ৰিয়বত কুলে ভৈলা গয় অৱতাৰ।
ৰাজ্য প্ৰতিপালি ধৰ্ম্ম কৰিলা বিস্তাৰ॥
তাহান যজ্ঞক ইন্দ্ৰে অসূয়া কৰিল।
সামান্য ইন্দ্ৰৰ স্পৰ্দ্ধ৷ মদক দেখাইল॥ 88॥
কামদেৱ অৱতাৰে লক্ষ্মীসমে হৰি।
কেতুমাল্য বৰিষে আছন্ত মূৰ্ত্তি ধৰি॥
সম্বৰৰ পুত্ৰ দিনে ৰাতি কৰে সেৱ।
লক্ষ্মীক ৰমায়া তৈতে আছা কামদেৱ॥ ৪৫॥
প্ৰাচীন বৰ্হিৰ পুত্ৰ দশ প্ৰচেতাৰ।
তপস্যাত ব্যক্ত ভৈলা শান্ত অৱতাৰ॥
নিজ পদ সেৱা তাসম্বাক গৃহে দিলা।
বাৰ্ষি কন্যা আনি দিয়া অন্তৰ্দ্ধান ভৈলা॥ ৪৬॥
ভূষিতাৰ গৰ্ভে বেদশিৰা ব্ৰাহ্মণত।
বিভু অৱতাৰ স্বাৰোচিষৰ কালত॥
যাৰ ব্ৰহ্মচৰ্য্য ব্ৰত শিখি মুনিগণে।
আনকো শিখাইলা তাৰা অতি ৰঙ্গমনে॥ ৪৭॥
তৃতীয় মনুৰ কালে ধৰ্ম্মৰ ভাৰ্য্যাত।
সুনৃতাৰ গৰ্ভে সত্যসেন ভৈলাজাত॥
