পৃষ্ঠা:সঙ্গীত-কোষ.djvu/৫৩

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
১৭
জাতীয় সঙ্গীত।

১৫
ঝিঁঝিট –দাদৰা

আশাৰ কুলিয়ে গায় সুললিত কু-উ গান।
ৰিণি ৰিণি আহে মাত, লাগে কিনো চেঁচা কাণ॥
সুখৰ বসন্ত ৰাৱ, সুধীৰ মলয়া বাৱ,
দূৰ ৰাজ্য এৰি ভাই আহি দিয়ে সুখ জান।
নিৰাশাৰ শীত-কাল, নেথাকিব চিৰকাল,
এই যে আমৰ ডাল, তাতে কুলি লব থান॥
    বেণুধৰ ৰাজখোৱা, বি, এ।


১৬

ললিত —আড়াঠেকা।


পূৰুব গগনে উষা, চোৱাঁ চোৱাঁ লগৰীয়া৷
ওলাব সুখ-সূৰূয কৰি দিশ জেউতীয়া।
চোৱাঁ আশা মিটিকায়, আৰু ভয়-ভ্ৰান্তি নাই,
জানিবা হে অন্ত হল দুখৰ ৰাতি কলীয়া॥