পৃষ্ঠা:সঙ্গীত-কোষ.djvu/৪৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
জাতীয় সঙ্গীত।

পৰম ঈশ্বৰ আমাৰ সহায়
   কিয় তুমি চিন্তা মগন।
   বেণুধৰ ৰাজখোৱা, বি, এ।


১১

অহং-একতালা।


উঠাঁ একে চিপে অসমীয়া ভাই,
বান্ধা কঁকালত টঙ্গালি আঁটি
লোৱা বীৰ সাজ, দিয়া দলিয়াই
কেঁচুৱা লৰাৰ আগৰ গাতি॥
ৰণ ধ্বজা ধৰি বলা আগুৱাই,
তেজাল খোজত কঁপোক মাটি
জানি লোৱা ভাই এৰিবৰ হল,
গুনা খনিয়াৰ লাহৰি ছাটি॥
উঠি কাম কৰাঁ, এৰি দিয়া তুমি,
জুহাল গুৰিৰ কলা ঘুমটি॥
ইমানতে ভাই চোৱাঁ চকুমেলি,
কানি খোৱাঁ-খোৱা পেলোৱা কাটি॥