এই পৃষ্ঠাটোৰ বৈধকৰণ হৈছে
৩৮৭
পুৰণি সঙ্গীত।
* * * *
আই মাতৃ ভগবতী এই নামে সন্তোষ হবা।
* * * *
কিদিয়া পূজিৱোঁ আই তোঁহাৰি।
তোমাক পূজিবৰ বস্তু নেপাওঁ বিচাবি॥
পুষ্প দি পূজিলোঁ হেঁতেন ভ্ৰমৰে চুম্পিলে।
দুগ্ধ দি পূজিলোঁ হেঁতেন দামুৰিয়ে পিলে॥
ধন দি পূজিলোঁ হেঁতেন আপোনাৰে আছে।
জল দি পূজিলোঁ হেঁতেন বিতালিলে মাছে॥
অন্ন দি পূজিলোঁ হেঁতেন গৰুৱে খছিলে।
বস্ত্ৰ দি পূজিলোঁ হেঁতেন মাৰেৰে সিজালে॥
মন দি পূজিলোঁ হেঁতেন মনৰ নাই পিত।
চিত্ত দি পূজিলোঁ হেঁতেন পাপে জৰ্জ্জৰিত॥
যেই বস্তু দিও মাতৃ সেই বস্তু চুৱা।
নামেৰে পূজিম মাতৃ গধূলিয়ে পুৱা॥
হাসিয়া বোলম্ভ আই বচন মধুৰ।
সভা বিসৰ্জ্জিয়া গোপী চলিও সম্বৰ॥
* * * *
