এই পৃষ্ঠাটোৰ বৈধকৰণ হৈছে
৩১১
বিবিধ সঙ্গীত৷
১৫১
অহং—একতালা।
উৰুৱা উৰুৱা আনন্দ নিচান
গোৱা সকলোৱে আনন্দ গীত।
মিলিল বম্বাই, মাদ্ৰাজ, বেঙ্গল,
যাৰ মিলনত পৃথিবী ভীত।
কিয় আমি ৰওঁ নুধাওঁ লগত
কিয় নধৰিম উন্নতি পথ;
সকলোৰে মিলি একতাৰ ধ্বনি
উঠে যেন আজি দূৰ আকাশত।
প্ৰথমতে পৰে সূৰ্য্যৰ কিৰণ
তোমাৰ দেহৰ পৰ্ব্বত জুৰি;
বসন্ত কালৰ নতুন পখীও
আহে গীত গাই তোমাতে উৰি।
ব্ৰহ্মপুত্ৰে যাৰ কোমল পৰাণ
কৰিব লাগিছে সততে জুৰ;
প্ৰকৃতি দেবীৰ নিজানৰ ঠাই
মাতৃভূমি বুলি নমোৱা মুৰ।
