এই পৃষ্ঠাটোৰ বৈধকৰণ হৈছে
২৬৯
বিবিধ সঙ্গীত।
জিলিকে সকলো, ইহেন বসন্তে
হাঁহিছে ফুলনি তৰায়ো হাঁহিছে
ইসবাৰ মাজে কিয় সখি কান্দে,
কি দুঃখে ধৰিছে আবৰি॥
হৰিপ্ৰসাদ দাস, বি, এ।
—
১০৫
ভৈৰবী-কাওৱালী।
কিয়নো হিয়াত বাজে আজিও প্ৰেমৰ বাঁহি।
ভুলিব নোৱাৰো কিয় সেই মধুময় হাঁহি।
সমূলি উবাৰি হিয়া,
ঢালিছিলো ভাল পোৱা,
নোৱাৰিলা তেওঁ ৰব গলা গুছি কান্দি হাঁহি
তুলি আনি আল্ ফুলে
গাথি মালা প্ৰেম-ডোলে,
যতনে ৰাখিলোঁ ভৰি পিন্ধিবাহি বুলি আহি।
