এই পৃষ্ঠাটোৰ বৈধকৰণ হৈছে
২৩৫
বিবিধ সঙ্গীত।
৬৬
ভৈৰবী—একতালা।
জোনালী স্বৰগ জিলিকে ধৰণী
কিবা বিতোপন ৰজনী।
মলয়া বতাহে শৰীৰ সিয়ঁৰে
কিবা মধুময় চাঁদনি৷
সুৱগী কুলিৰ কিবা মউ মাত
সুৱনী ফুলনি কিবা ফুলপাত,
প্ৰফুল্লিত সবে বসন্ত আগমে,
উলাহে নধৰে ধৰণী।
নবীনচন্দ্ৰ বৰদলৈ, বি, এল্৷
—
৬৭
ভূপালী-ঢিমা তেতালা।
মাতে কুলিয়ে আমনি জিনি,
মদনে বাউলী, জোনলৈ চাই।
বসন্ত মলয়া বলে ৰিবি ৰিবি
উত্ৰাৱল কৰে পৰশি গায়॥
