এই পৃষ্ঠাটোৰ বৈধকৰণ হৈছে
২১৬
সঙ্গীত-কোষ।
৪৩
ঝিঁঝিট-একতালা।
কি সুখৰ দিন আজি কেনে প্ৰতি ভাৱ এ।
আনন্দে নধৰে হিয়া সকলো ভাই বন্ধুৰ এ।
ঈশ্বৰৰ কৃপাগুণে, আহি সৱে জনে জনে,
প্ৰাণভৰি মহাৰঙ্গে কৰিছোঁ উৎসৱ এ।
বছৰে বছৰে যেন, হয় এনে সুমিলন
আহি যেন সৱে পুনঃ সুকাৰ্য্য সাধয় এ॥
সত্যনাথ বৰা, বি, এল্।
—
৪৪
ঝিঁঝিট - একতালা।
ফুলনি আজি ৰঙ্গতে সাজি
হাঁহিছে কিনো উলাহেৰে।
হাঁহে ঘূতিয়ে হাঁহে জাতিয়ে
হাঁহে গোলাপে আনন্দেৰে॥
