এই পৃষ্ঠাটোৰ বৈধকৰণ হৈছে
৯১
প্রণয়-সঙ্গীত।
১৩
বেহাগ খাম্বাজ—ঢিমাতেতালা।
যদি আহিলে বিঘিনি মিলেহি তােমাৰ,
নাহোঁ তেনে আৰু কাষলৈ;
ভাবি ভাবি যদি ভাল পােৱা তুমি,
ভাবি থাকা বহি অকলৈ।
নেলাগে চেনেহ নকৰোঁ কামনা
নাই মােৰ প্ৰাণত এনেটি আশা;
তােমাৰ সুখতে থাকিম মই আঁতৰি,
নিতে তােমাক আৰাধি মনে;
যাতে ভাল পোৱা তুমি তাৰে ভাৱনাতে,
ভাবি ভাবি মই থাকোঁগৈ॥
অজ্ঞাত।
⸻
১৪
টোড়ি ভৈৰবী—কাওৱালী।
কেনে মােহন মূৰতি অ’ সখি,
প্রাণে প্রাণে টানে আহা দূৰতে থাকি।
