পৃষ্ঠা:শ্ৰীৰাম-কীৰ্ত্তন.djvu/৩১

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

( ২৩১ )


সবেয়ো বোলা ৰাম ভাল ভাল।
মোহোৰ মনে ৰাম যম কাল॥
ৰামক চাই কোপে পকাই আখি।
বোলন্ত এৰিলা কি দোষ দেখি॥৯৮৯
এৰিবা যেবে সম্বৰিলা কিক।
মাৰিলোহোঁ হই লঙ্কাতে দেহক॥
তুমি সম কেহোঁ নাহি দাৰুণ।
নুসুমৰা এক দিবস গুণ॥৯৯০
আৰ কিক লাগি আনাইছাহা।
পোৰা ঘাত যেন খাৰক ঘঁহা॥
বন মানুষত কিসৰ কাজ।
আনিয়া দেখোৱা সভাৰ মাজ।'৯৯১
এতো তুষ্ট নাহি তোমাৰ মনে।
হাতে খাণ্ডা ধৰি নাকাকাটা কেনে॥
অৰো তযু ঘৰে ঘৰী নহৈবো।
তিনিয়ো জগতে কুখ্যাতি থৈবো॥৯৯২
জনক ৰাজাৰ মই জীয়াৰী৷
অঙ্গ নন্দনৰ মুক্ষ বোহাৰী।
তুমি ৰাম ৰাজা মোহোৰ স্বামী।
তোমাৰো একে পটেশ্বৰী আমি॥৯৯৩


সম্বৰিলা-সামৰিলা; চপাই ললা।
দাৰুণ- নিৰ্দ্দয়।