এই পৃষ্ঠাটোৰ বৈধকৰণ হৈছে
( ৮৫ )
ইলোকে সিলোকে ৰামেসে গতি।
অনন্তে কহে মহা মূঢ় মতি।
জানিয়া তেজিয়োক আন কাম।
সমস্ত লোকে বোলা ৰাম ৰাম॥৩৫৪
⸻⸻
ঘোষা॥ সীতাপতি ৰাম দুৰ্ব্বাদল শ্যাম।
ভকত জনৰ গতি তুমি পূৰ্ণকাম॥
পদ।
ৰাম লক্ষ্মণ সীতা গঙ্গা পাৰ ভৈলা।
আগত লক্ষ্মণ সীতা মধ্যত কৰিলা॥
ধনু শৰ ধৰি ৰামচন্দ্ৰ পাচ ভৈলা।
বনে বনে গঙ্গাৰ কাষেৰে চলি গৈলা॥৩৫
কতদূৰ যাতে গঙ্গা স্নান কৰিলন্ত।
মৃগগোট দেখি লখমণে মাৰিলন্ত॥
সীতায়ে ৰান্ধিলা তাক ৰামত অৰ্পিলন্ত।
ভোজন কৰিয়া তৈতে ৰাত্ৰি বঞ্চিলন্ত॥৩৫৬
প্ৰভাতে উঠিয়া লৰিলন্ত তিনিজন।
গধূলি পাইলন্ত ভৰদ্বাজৰ আশ্ৰম॥
