এই পৃষ্ঠাটোৰ বৈধকৰণ হৈছে
১৫৭
৺শঙ্কৰদেৱ।
পৰম পতিতো তৰে যাৰ লৈলে নাম।
হেনয় কৃষ্ণ পদে সহস্ৰ প্ৰণাম॥ ৬২৩
নমো নমো নাৰায়ণ জগত কাৰণ।
হুয়ো কৃপাময় মঞি পাপীত প্ৰসন॥
মহা মূৰ্খ হুয়া মূঢ়মতি আতি দম্ভ।
শঙ্কৰ চৰিত্ৰ পুনু কৰিলোঁ আৰম্ভ॥ ৬২৪
ইটো মোৰ দোষ ক্ষমি মহন্ত সকলে।
যাৰ ইচ্ছা আছে শুনা মহা কুতুহলে॥
মাধৱ নাৰায়ণ দুই সখি কৰিলন্ত॥
যেন মতে নাৰায়ণে লোক মিলাইলন্ত॥ ৬২৫
নৰ নাৰায়ণে নিয় ইলন্ত শঙ্কৰক।
কথায়ে জিনিলা সৱে পণ্ডিত সৱক॥
নাৰায়ণ গোকুলচান্দ দুই মহন্তক।
নৰ নাৰায়ণে দুইকো দিলেক ভোটক॥ ৬২৬
শুনি শঙ্কৰৰ দুখে নসহয় হিয়া।
নেনিলেক ভোটে দেৱ মানুষ বুলিয়া॥
পৃথিবী এড়িয়া যেবে শঙ্কৰ গৈলন্ত।
সত্ৰ পাতি ভকত যথাত বঞ্চিলন্ত॥৬২৭
কথাৰূপে প্ৰপঞ্চিয়া নিশেষে কহয়।
পদবন্ধে নিবন্ধিলে বাহুল্য হোৱয়॥
