পৃষ্ঠা:শ্ৰীমদ্ভগৱত্‌‌‌‌গীতা বা কৃষ্ণগীতা.djvu/২১৫

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
২০৫
শ্রীমদ্ভগৱদ‌্গীতা

বেদ শাস্ত্ৰ তন্ত্ৰ-মন্ত্ৰৰো সাৰ।
তোমাত কহিলো ৰহস্য আৰ॥৮৮৮
যত কৰ্ম্ম ক্ৰিয়া কৰাহা মানে।
হৰি কৰ্ম্ম বুলি মানিবা মনে॥
ইটো জন্মগোট নযায় ব্যৰ্থে।
সবাক অৰ্পিব ঈশ্বৰ অৰ্থে॥৮৮৯
কৰিবা কৰ্ম্ম নবাঞ্ছিবা ফল।
ঈশ্বৰৰ আজ্ঞায়ে কৰা সকল॥
ক্ষেত্ৰ পুত্ৰ দাৰা গৃহ ভাণ্ডাৰ।
সবে ঈশ্বৰৰ মই দাস তাৰ॥ ৮৯০
ঈশ্বৰ নিৰ্ম্মাল্য কৰিব ভোগ।
ভক্তিৰ সাধন এই কৰ্ম্মযোগ॥
মইসে পৰম আশ্ৰয় তাৰ।
মোত বিনে প্ৰিয় নাহিকে আৰ॥৮৯১
শ্ৰৱণ কীৰ্ত্তন কৰিবা নিত্য।
বিষয় এৰি হৈবা একচিত্ত॥
সৰ্ব্বথা প্ৰাণীক কৰিবা দায়া।
তৰিবা সংসাৰে এৰাইবা মায়া॥৮৯২
ইহাক বোলয় অৰ্পণা ধৰ্ম্ম।
সমস্ত ভক্তিৰ কহিলো মৰ্ম্ম॥
ভক্তিসে প্ৰধান জানিবা নৰ।
ভজা হৰি পাৱে হেলা নকৰ॥৮৯৩