এই পৃষ্ঠাটোৰ বৈধকৰণ হৈছে
১৫৮
শ্ৰীমদ্ভগভদ্গীতা
ঈশ্বৰ উৎসৃষ্টে যদি শ্ৰাদ্ধ কৰে
অনন্ত কোটিৰ ফল॥৬৬৮
ভূত-প্ৰেতগণ পূজে যিটোজন
ভূতক প্ৰেতক পাই।
মদ্য মাংস তেজ উচ্ছিষ্টক ভুঞ্জে
ফুৰে পোৰা মাছ খায়।
মোহোৰ চৰণ ভজে যিটোজন
মোহোৰ স্বৰূপ পায়।
হুয়া পাৰিষদ থাকৈ বৈকুণ্ঠত
তাৰ জন্ম মৃত্যু নাই॥৬৬৯
শুনা মহাবীৰ মহিমা ভক্তিৰ
মোৰ নাম মাত্ৰ স্মৰে।
বিত্ত নাহি ব্যয় দুখো নলাগয়
পৰম আনন্দে তৰে।
মোহোৰেসে ভক্ত জগতৰ পূজ্য
নিষ্ঠে জানা সাৰ কৰি।
তাসম্বাৰ সঙ্গ লৱে যিটো জনে
অপ্ৰয়াসে পাৱে হৰি॥৬৭০
আন দেৱ ভজে নানা যজ্ঞে যজে
কৰ্ম্মতো বহু আয়াস।
বিধি নিষেধৰ নিয়ম বিস্তৰ
বহু বিত্তো হোৱে নাশ॥
