পৃষ্ঠা:শ্ৰীমদ্ভগৱত্‌‌‌‌গীতা বা কৃষ্ণগীতা.djvu/১২৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

অষ্টম অধ্যায়।

অক্ষৰ ব্ৰহ্মযোগ

পদ

শোণিত অমেধ্য * মাংস যাহাৰ ভোজন।
এনুৱা ৰাক্ষসী তাইৰ কৃষ্ণে পিলা স্তন॥
মাৰিবে আসিলা তথাপিতো দিলা গতি।
হেনয় কৃষ্ণৰ পদে নছাৰোক মতি॥ ৪৯৫
কৃষ্ণে কহিলন্ত অন্তে সপ্তম অধ্যায়ত।
ব্ৰহ্মকৰ্ম্ম আদি যে পদাৰ্থ গোটা সাত।
পাৰ্থে বোলে শুনিয়োক দৈৱকীৰ সুত।
কাক বুলি ব্ৰহ্মকৰ্ম্ম কোন অধিভূত॥ ৪৯৬
অধিদেৱ অধ্যাত্মক জানি কেনমতে।
অধিযজ্ঞ ভিন্ন কৰি কহিলো পূৰ্ব্বতে॥
কৃষ্ণে বালে পাৰ্থ কিনো পুছিলাহা মৰ্ম্ম।
যিগোট অক্ষৰ নিষ্টে সেহি গোট ব্ৰহ্ম॥ ৪৯৭
সবাকো ব্যাপিয়া যিটো আছে নিৰন্তৰ।
যাতো নচলয় এতে বোলয় অক্ষৰ॥

______________________________________________________________________

 * অমেধ্য-অপবিত্ৰ।