এই পৃষ্ঠাটোৰ বৈধকৰণ হৈছে
ষষ্ঠ অধ্যায়
ধ্যান যোগ
পদ
বৃসিংহৰ চৰণত পৰিলে শৰণ।
সৰ্ব্বদায়ে বিচলিত নহৈবেক মন॥
কৃষ্ণে বোলে কহিলোহো পূৰ্ব্ব অধ্যায়ত।
সৰ্ব্ব কৰ্ম্ম এৰি মনে চিন্তোক ধ্যানত॥৩৭৮
সংক্ষেপে কহিলো মই তোমাৰ আগত।
যষ্ঠে প্ৰপঞ্চি ধ্যান কহিবো তোমাত॥
যি কৰ্ম্ম কহিলো সেই জ্ঞানৰ সন্মত।
তাক শুনি কৰ্ম্ম জানো এৰা সতত॥ ৩৭৯
বিনা কৰ্ম্মে একোকালে শুদ্ধ নোহে চিত্ত।
চিত্তশুদ্ধি বিনা ধ্যানে নপাৱয় তত্ত্ব॥
এতেকে জানিবা কৰ্ম্ম অতি শ্ৰেষ্ঠতৰ।
কৰ্ম্ম হন্তে জ্ঞান ভক্তি বাড়ে পুৰুষৰ॥ ৩৮০
কৰ্ম্ম কৰিবেক সবে ফল কৰি ত্যাগ।
সেহিসে সন্ন্যাসী কৰ্ম্মযোগী মহাভাগ॥
সন্ন্যাস বুলিয়া আক শ্ৰেষ্ঠ কৰি কহে।
নেৰে ফল সঙ্কল্প সন্ন্যাসী যিটো নোহে॥ ৩৮১
