এই পৃষ্ঠাটোৰ বৈধকৰণ হৈছে
৩২
শিশু লীলা।
কৰিলে দোষ স্বামী ইটো চণ্ড।
বিহিলা ইহাৰ উচিত দণ্ড॥
দুৰ্জ্জন জনৰ চিন্তিবা মাৰ।
এহিসে কায্যে তযু অৱতাৰ॥
পাতকী সৰ্পজাতি দুৰাশয়।
তোমাৰ দণ্ডে পাপ ভৈল ক্ষয়॥
কৰিলা দয়া দয়াশীল হৰি।
তোমাৰ ক্ৰোধ বৰে এবে সৰি॥
পূৰ্ব্বত কিনো তপ আছে কৰি।
যাহাত তুমি তুষ্ট ভৈলা হৰি॥
সি হেতু হেন ভৈল ভাগ্যোদয়।
তোমাৰ পাইলে পদ বৃলাচয়॥
যাহাক লক্ষ্মীদেবী বাঞ্ছা কৰি।
আচৰিল তপ ব্ৰতক ধৰি॥
যিটো পদৰজ ভকতে পাই।
এৰি সাৰ্ব্বভৌম পদতো দাই॥
স্বৰ্গ ব্ৰহ্মপদে নকৰে বাঞ্ছা।
নকৰন্ত যোগ সিদ্ধিকো ইচ্ছা॥
মোক্ষতো অভিলাষ নাহি হৰি।
তোমাৰ চৰণ ৰেণুক এড়ি॥
