এই পৃষ্ঠাটোৰ বৈধকৰণ হৈছে
২৯
শিশু লীলা।
জ্যেষ্ঠ বলভদ্ৰ লগে নগৈল।
কৃষ্ণক আজি তৈতে কিবা ভৈল॥
নন্দ যশোদা বিয়াকুল মনে।
কৃষ্ণক চাহিয়া পশিল বনে॥
লগতে চলে গোপগোপী জাক।
হা কৃষ্ণ! বুলি ছাড়ন্তে ডাক॥
ধ্বজ বজ্ৰ যব অঙ্কুশ চাই।
কৃষ্ণৰ খোজত নিহলন্তে যায়॥
পুত্ৰ পুত্ৰ বুলি যশোদা চান্ত।
কৃষ্ণৰ খোজত পড়ন্তে যান্ত॥
বেড়িয়া গোপীগণে নেয় ধৰি।
দেখিল পাছে পড়ি আছা হৰি॥
জলৰ মাজে মৃতকৰ বেশ।
নকৰন্ত আৰ চক্ষু নিমেষ॥
দেখি গোপ গোপী সম্যক্ মৰিল।
প্ৰাণ অন্তৰীক্ষ চেতন হৰিল॥
কৃষ্ণ কৃষ্ণ বুলি দিলেক গেড়ি।
কান্দে যমুনাৰ তীৰক বেড়ি॥
যশোদা সুন্দৰী নন্দ গোৱালে।
পাড়ন্ত লোটাৰি পড়ি নিটালে॥
