পৃষ্ঠা:শিশু লীলা.djvu/২৮

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
২৬
শিশু লীলা।

সমস্তৰে বুদ্ধি সাক্ষী সবে তুমি জানা।
আজি ধৰি প্ৰভু!মোক দাস বুলি মানা॥
নমো কৃষ্ণ বৃষ্ণি কুল প্ৰকাশ নায়ক।
দেৱ দ্বিজ পৃথিবীৰ বুদ্ধি প্ৰদায়ক॥
দুষ্ট দৈত্য দানৱ ৰাক্ষস ক্ষয়ঙ্কাৰ।
তোমাৰ চৰণে প্ৰভু! প্ৰণাম আমাৰ॥
কৰিল অনেক স্তুতি আৰু সৃষ্টি কৰে।
তাক নকহিলো পদ বাহুল্যক ডৰে॥
এহি বুলি প্ৰজাপতি ভৈল মোহে হীন
কৃষ্ণক কৰিল তিনিবাৰ প্ৰদক্ষিণ॥
প্ৰণাম কৰিল চৰণত পড়ি পড়ি।
মেলানি মাগিয়া নিজ স্থানে গৈল লড়ি
ভণিল শঙ্কৰে কৃষ্ণ চৰণত ধৰি।
পাতক ছাড়োক ডাকি বোলা হৰি হৰি॥

——————

ঘোষা।

গোপাল ৰাম কৃষ্ণ বনমালী।
মাৰিলা অসুৰ দমিলা কালী॥

গোপশিশু সঙ্গে গৈল বজাই।
আগত গোধন বংশী বজাই॥