পৃষ্ঠা:শিশু লীলা.djvu/১৪

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
১২
শিশু লীলা।

মাধৱে আসন্ত জানি ডৰে।
দিলা লড় নামি উড়লৰে॥
পাছে পাছে যশোদা খেঁদন্ত।
ভয়ে লাগ মাৱক নেদন্ত॥
যাক যোগী নপাৱে ধ্যানত।
হেন হৰি পলান্ত ভয়ত॥
পুত্ৰক খেদন্ত মহা সতী।
শ্ৰোণী ভৰে আক্ৰমিল গতি।
বেগত মেলান ভৈল খোপা।
খসি পড়ে মালতীৰ থোপা॥
গোবিন্দে মাৱৰ শ্ৰম দেখি।
ৰহিল কান্দন্তে মুদি আখি॥
সভয় নয়নে চান্ত ডৰে।
যশোদা ধৰিল আসি কৰে॥
ভাণ্ড ভাঙ্গি আবে যাইবি কোথা।
খাইবো অজি কৃষ্ণ তোৰ মাথা॥
সকল লৱনু কৈলি নাশ।
শুনি প্ৰভু ভৈল মহাত্ৰাস॥
দেখি বাড়ি এড়িলন্ত সতী।
কৃষ্ণক বান্ধিবে ভৈল মতি।