এই পৃষ্ঠাটোৰ বৈধকৰণ হৈছে
চবি।
শুনিয়োক সৰ্ব্বনৰ আৰু কথা মহন্তৰ
শিয়ালা বৈষ্ণব কথা চয়।
এহিমতে তৈতে যেবে মহা ৰঙ্গে বসে আছে
বৰিষ ভৈলেক পাঞ্চ ছয়॥
নিযম সংযম মতে যাত কৰ্ম্ম কৰিলন্ত
তাত পাছে যজ্ঞ সূত্ৰ দিলা।
শুনা সৰ্ব্বজন পাছে এহিমতে সন্ত আছে
আমি পাছে অথন্তৰ ভৈলা॥
আপোমাৰ পিতৃ যিটো আছিলেক ভূঞ মহাঁ
নামে ধৰ্ম্ম দেৱ বিপ্ৰবৰ।
কতোদিন থাকি পঞ্ছে গৈলা স্বৰ্গলোকে চলি
ৰৈলা পুত্ৰ দৰঙ্গ ভিতৰ॥
যেবে পিতৃ স্বৰ্গে গৈলা দেখি প্ৰভু সম্বৎসৰ
মাৱে সমে শোক কৰি ৰৈলা।
বিধিমতে প্ৰেত কাৰ্য্য কৰি সব সমাপন
দানে মানে বিপ্ৰক তুষিলা॥ ২৫৩
এহিমতে প্ৰেতকাৰ্য্য সমাপন কৰি বিপ্ৰ
ৰহিলেক তৈতে মায়ে সমে।
শুনা আত অনন্তৰে পাছে যেন কথা ভৈলা
এক ৰাজা আছয় পশ্চিমে॥
