এই পৃষ্ঠাটোৰ বৈধকৰণ হৈছে
(২৫)
বেৰীয়া আৰাৱ কৰে বিপৰীত বৰ।
কুকুৰৰ ভুকু তাতে দেখি লাগে ডৰ॥১১৯॥
ডোভাগ চাৰিয়া যেবে চাৰি দণ্ড গৈলা।
সেহি সময়ত ছাৱালৰ জন্ম ভৈলা॥
যেতিক্ষণে ছাৱা জন্মি পৰিলা মাটিত।
এক বুঢ়ী থাম্প দিয়া ধৰিলা মুখত॥১২০॥
আৰু এক বুঢ়ী গৈয়া ছাৱালক চাইলা।
দেখে জীউ নুহি সিটো পুত্ৰ উপজিলা॥
কহিলেক গোপ্য কৰি কুণ্ডৰ আগত।
নুহিকন্ত জীউ আই পুত্ৰ উপগত॥১২১॥
হেন শুনি কুণ্ডতৰা আথেবেথে কৰি।
দুই গোটা খালি চৰু আনি দিলা লৰি॥
ভৰায়োক শীঘ্ৰ কৰি অৰে বুঢ়ী তই।
চকুৰ ঠাৱৰে কহে মাকে নুশুনয় ॥১২২॥
চকুৰ ঠাৱৰ বুজি এক গোটা বুঢ়ী।
চৰুত ছাৱাল ভৰাই লৈলা গোপ্য কৰি॥
মায়েকক ধৰি থাকিলেক দুইজনী।
ছাৱালক লৈয়া লৰিলেক তিনিজনী॥ ১২৩॥
অন্ধকাৰ ৰাত্ৰি দিশ বিদিশ নপাই।
উত্তৰক মুখে ছাৱালক লৈয়া যায়॥
হৰি হৰি কিনো ভৈলা নিৰ্দ্দয় চৰিত।
হেন ছাৱালক নিয়া পেলায় বনত॥১২৪॥
৩
