পৃষ্ঠা:শিয়ালা বৈষ্ণৱৰ চৰিত্ৰ.djvu/২২

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
(১০)

গিৰিৰ সঞ্চাৰ কিছু নাহিকে তাহাত।
অগ্ৰাধ অৰণ্য সিটো দৰঙ্গ মধ্যত॥
দিন মানে আহি সিটো অৰণ্যক পাইলা।
আছে এক গোট গড় উত্তৰে দেখিলা॥৪৯
তাতে এক বৃক্ষ আছে দেখিলন্ত গই।
জিৰাইলা সকলো প্ৰজা সিটো স্থানে ৰই॥
সমস্তকে চাই বিপ্ৰ বুলিলা বচন।
এহি ভাল মাটি গৃহ সাজা এতিক্ষণ॥ ৫০
বৰ বৰ বৃক্ষ লতা আছে অপৰ্য্যন্ত।
আক কাটি গৃহ সব সাজা বুলিলন্ত॥
দেখা প্ৰজাগণ এক নদী পশ্চিমত।
হেনয় আশ্ৰম কৈত নাহি দৰঙত॥৫১
হেন শুনি প্ৰজাগণে গৃহক বান্ধিলা।
এহিমতে ভূঞাঁ তৈতে আনন্দে ৰহিলা॥
এগুটি ভক্তৰ নাম গৰেই আছিলা৷
একদিনা সিটো খৰি লুৰিবাক গৈলা॥৫২
উত্তৰৰ মুখে গৈয়া গঢ়ত উঠিলা।
একগোট সৰ্প সিটো তহিতে দেখিলা॥
সৰ্প গুছি ভৈল পাছে মৎস্য একগোট।
দাদৰি ফুৰয় সিটো কৰিয়া আস্ফোট॥৫৩
হেন দেখি ধৰিবাক লাগি মন কৈলা।
লাহে লাহে গৈয়া তাৰ ওচৰ চাপিলা॥