পৃষ্ঠা:শিয়ালা বৈষ্ণৱৰ চৰিত্ৰ.djvu/২০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
(৮)

ফুটিলেক নলা জল উঠিলা সত্বৰ।
যেন নীলা মেঘ খণ্ড দেখি লাগে ডৰ॥
পাৰত পৰিয়া জল পক্ষী সবে খায়।
এহিমতে সৰোবৰ খাণ্ডিলা ভূঞাঁই॥৩৮
দৈবজ্ঞক আনি পাছে গণাইলা পুখুৰী।
গণ পৰি থৈলা নাম দীঘি দীগেশ্বৰী॥
প্ৰতিষ্ঠা কৰিতে দিন দিলা আষাৰত।
শীত পক্ষ পূৰ্ণ তিথি হৈব যিদিনত॥৩৯
আত অনন্তৰে শুনা যেন কথা ভৈলা।
সেহি সময়ত এক বিঘিনি মিলিলা॥
বৰনদী পশ্চিমত বঙাল ৰাজ্যত।
আছিলেক ৰজা এক সেহি সময়ত॥৪
অগাধ অৰন্য সিতো আছিল পূৰ্ব্বত।
গিৰি বাৰ ঘৰ আছিলেক সিবনত॥
মেছৰ নামে জাতি সিটো কিৰাট অন্বয়।
তাৰ এক জন মোক্ষ্য সকলে মানয়॥৪১
মেছৰ মধ্যত বৰ হাৰিয়া তাৰ নাম।
তান ঘৰে বীৰ এক লভিলেক জন্ম॥
মহেশৰ বীৰ্য্যে জাত পৰম প্ৰবল।
ভূঞাঁ সকলক মাৰি ফুৰে কৌতুহল॥৫২
পশ্চিম দিশৰ ভূঞাঁ মাৰি নিৰন্তৰ।
মাৰি ঢুকাইলন্ত ভূঞাঁ কামৰূপৰ॥