এই পৃষ্ঠাটোৰ বৈধকৰণ হৈছে
৬৭
শনি চৰিত
শনি সংক্ৰমণ কালে যিটো সাধু নৰে।
ভক্তিভাৱে শনিৰ চৰিত্ৰ পাঠ কৰে॥
শনি পাঠ কৰি যিটো মাহাত্ম্য পঢ়য়।
অথবা ভকতি ভাৱে শ্ৰৱণ কৰয়॥
কদাপি শনিৰ দোষ নঘটয় তাৰ।
শাস্ত্ৰৰ বচন ইটো জানিবাহ৷ সাৰ॥
সংসাৰে দুৰ্দ্দশাগ্ৰস্ত হয় যিটো জন।
জ্ঞাতি বন্ধু ইষ্ট-মিত্ৰ কৰি নিমন্ত্ৰণ॥
গোটাইবেক ভক্ষ্য ভোজ্য শক্তি অনুসাৰে।
শনিৰ চৰিত্ৰ পঢ়াইবেক শনিবাৰে॥
একান্ত ভকতি চিত্তে কৰিবে শ্ৰৱণ।
শনিৰ মাহাত্ম্য শুনিবেক দিয়া মন॥
খণ্ডিবে দুৰ্গতি পাইবে পৰম সম্পদ
নঘটিবে কোনো কালে দুস্তৰ বিপদ॥
শাস্ত্ৰৰ বচন ইটো নাহিকে সংশয়।
শিৱ-পদ স্মৰি দীন অভাজনে কয়॥
