এই পৃষ্ঠাটোৰ বৈধকৰণ হৈছে
শঙ্কৰে জনম ধৰি ভকতি প্ৰচাৰ কৰি
সনাতন ধৰ্ম্ম সোঁত বোৱাইছিল ঐ?
অতীতৰ নাম লোৱা অতীতৰ গুণ গোৱা
অতীত সাৰথি কৰি আগ বাঢ়া ঐ
মুখে মুখে লোৱা নাম অসম বিজয় গান
বক বিজয়ৰ সোঁত প্ৰাণ সখি ঐ॥
যোৰহাট নৰ্ম্মাল স্কুলৰ শক্ষক শ্ৰীযুত জয়ৰাম পাত্ৰদেৱে লিখি লোৱা এক ব্যায়াম সঙ্গীত।
সঙ্গীত;—
উঠ হেৰ, যুৱক, শক্তি-সাধক
এৰি দে তন্দ্ৰা নিদ্ৰা ভাগৰ,
গুপ্ত বাহুত তোৰ শক্তি সাধিবি
মোহাৰি পেলাবি বিঘিনি পাথৰ।
কম্পিত হ’ব পৰন-গগন
শুনি ধ্বনি তোৰ সিংহ-গৰ্জ্জন
তপ্ত ৰক্ত সিৰে সিৰে বৈ যক।
বীৰ দৰ্পে বাহু তোৰ নাচক।
একে লেখকৰে কাঠী খেল গীত; —
খেল কাঠী খেল, খেল কাঠী খেল;
ধূলি বালিৰ ঘৰ সাজি আমি পাতিম মেল॥
ঘেণ্-খিতা ঘেণ-ডাও
তেঘেণিতা-খিত তাঁও
ঢোল পেঁপা খোল বাহী আমি মুখত গাওঁ॥
