এই পৃষ্ঠাটোৰ বৈধকৰণ হৈছে
প্ৰথম সৰ্গ।
নাজানো কি কুক্ষণত আহিল যৱন
এইবাৰ; নাজানো কি বলে বলী হই
আহিছে পাঠান সেনা, নিতে হয় জয়,
নিতে আহোমৰ হাৰ;—নিতে হয় হানী
আহোমৰ বীৰবৰ্গ! ৰাজ-আদেশত
সেনাপতি ৰূপে, প্ৰিয়ে! ময়ো কাইলই
যুদ্ধ দিবলই যাম যৱন-যুদ্ধত।
যদি ভাগ্য থাকে, প্ৰিয়ে! পুনু হ’ব দেখা
তোমাৰে সহিতে,—নতু, এই জীৱনত
এয়ে সেই শেষ দেখা ইহ জীৱনৰ!
নশ্বৰ জীৱন এৰি, যদি ভাগ্য আছে,
কপালত লেখা সেয়ে,–সন্মুখ যুদ্ধত
প্ৰাণ এৰি যাম তাত ( বিৰাজিছে য'ত
বীৰবৃন্দ আহোমৰ, স্বদেশৰ হেতু
ত্যজি প্ৰাণ অকালত যৱন যুদ্ধত;–
আৰু সখা খুন্লুঙ্গ-শৈশৱৰ মোৰ।)”
“উত্তৰা বিৰাট-কন্যা” বুলিলে মূলাই
“যদিও কোমলপ্ৰাণা, ক্ষত্ৰীয়-কুমাৰী
৯
