এই পৃষ্ঠাটোৰ বৈধকৰণ হৈছে
--মুৰলী--
কৰি থাকে তাত অতি হেপাহেৰে
বিহাৰ প্ৰেয়সী মোৰ,
বিজুলীৰ সতে তোমাক দৰশি
সুৱৰিছোঁ কথাবোৰ।
নেপাহৰা যেন হেৰা মেঘবৰ
কলো কথা যতবোৰ,
শঙ্খ-পদ্ম মূৰ্ত্তি অঙ্কিত চিহ্নেৰে
নিৰূপিবা ঘৰ মোৰ।
দেখিবা সি ঘৰ মলিন হইছে
মই নথকাৰ গুণে,
পদুমে নিশ্চয় হেৰুৱায় নিজ
শোভা দিনমণি বিনে।
শীঘ্ৰগতি ধৰি যাবলই তুমি
কৰি শিশু যেন হই,
ক্ৰীড়া পৰ্ব্বতৰ শৃঙ্গৰ আগত
আনন্দে বহিবা গই।
৭৪
