এই পৃষ্ঠাটোৰ বৈধকৰণ হৈছে
--মুৰলী--
কুবেৰৰ বন্ধু সাক্ষাত শঙ্কৰ
থাকে তাত বিদ্যমান,
যাক ভয় কৰি মন্মথে কদাপি
নামাৰে মদন বান।
কিন্তু কামিনীৰ ভ্ৰুভঙ্গ নয়ন
বিলাস কটাক্ষ পাত,
মদনতকই অতি কাৰ্য্যকৰী
মাজত যক্ষৰ ভাত৷
বাছক বনীয়া ধুনীয়া কাপোৰ
নানা অলঙ্কাৰ পাতি,
লাক্ষাৰস আৰু আমোল মোলীয়া
বিলাসৰ বস্তু আদি।
মনৰ জোখাৰে তৰহে তৰহে
দিন ৰাতি সমভাগে,
যক্ষ নাৰীগণে কল্পতৰু হন্তে
পায় যত বস্তু লাগে।
৭১
