এই পৃষ্ঠাটোৰ বৈধকৰণ হৈছে
--মুৰলী--
শাওণৰ মাহ পৰোতে এদিন
ভাবিলে মনত যক্ষই,
কুশল বাতৰি পঠাওঁ প্ৰিয়ালৈ
মেঘকে আশ্ৰয় কই।
চিঙিলে নতুন কুটজ কুসুম
পানীৰে সৈতে হাতত,
সম্ভাষণ কৰি প্ৰণয় বাক্যেৰে
বুলিলে যক্ষে মেঘক।
ভুবন বিখ্যাত পুস্কৰাবৰ্ত্তক
কুলত জন্ম তোমাৰ
কামৰূপী তুমি ইন্দ্ৰ কৰ্ম্মচাৰী
পূজনীয় মেঘাবৰ।
বিধি বিপাকত তবু সমীপত
খোজনীয়া মই আজি,
গুণীৰ ওচৰত নিৰ্গুণীতকৈ
খোজাতো প্ৰকৃত বিধি।
