এই পৃষ্ঠাটোৰ বৈধকৰণ হৈছে
--মুৰলী--
যাৰ আজ্ঞা শিৰে ধৰি নানান প্ৰৱন্ধ কৰি
ভট্টদেৱ বিৰচিলে কথা ভাগৱত;
কৰিলে চহকী ভাষা অসমৰ নৱ আশা
আদৰ্শ দেখাই পোনে গদ্য ৰচনাত।
“দেৱ!
প্ৰচাৰি নিষ্কাম ধৰ্ম্ম সমাধি কৰ্ত্তব্য কৰ্ম্ম
বোৱালা ভক্তিৰ সোঁত অসম প্ৰজাৰ;
ভাগৱত সাৰ ধৰ্ম্ম বিতৰি নিহিত মৰ্ম্ম
ভকত বৎসল হলা তুমি দামোদৰ।
“ধৰ্ম্মবীৰ, কৰ্মবীৰ দেৱ, তুমি দুয়ো বীৰ
মহাশক্তিশালী তুমি গুণৰ নিধান;
ধৰ্ম্মতে গঠিত তুমি, ধৰ্ম্মতে বিভোল তুমি
অসীম অতীব তুমি ধৰ্ম্মপৰায়ণ।
৩৪
