এই পৃষ্ঠাটোৰ বৈধকৰণ হৈছে
–মূৰলী–
ঘনে ঘনে হৃদিস্তৰ কঁপি উঠে ঠৰ্ ঠৰ্
সিয়ঁৰিছে প্ৰতি লোম গাৰ;
বিতত হইছে প্ৰাণ হেৰাল চেতন জ্ঞান
নাই যেন ই ভয়ৰ পাৰ।
মন্দ্ৰৰ গভীৰ স্বৰে সম্বোধি উত্তৰ দিলে
শূন্যে থাকি কোন শূন্যবাদী;
“নিচিন্তা নকৰা ভয় শুনা কথা দুখময়”
নুবুজিলোঁ আও ভাও আদি।
অন্ধকাৰ ভেদ কৰি এই কথা কেইষাৰি
যেই আহি কাণত সোমাল;
নোৱাৰি থাকিব স্থিৰে উঠি চালো চউদিশে
নেদেখিলো কতেবা লুকাল।
২১
