এই পৃষ্ঠাটোৰ বৈধকৰণ হৈছে
॥ মিলন ॥
[ ৪৩ ]
এৱাঁ গাখীৰৰ দৰে
শুধ বগা বৰণৰ
এখিলা কাগজ মোৰ
কুমলীয়া মন,
লেশ মানো কলা দাগ
অকণিকে পৰা নাই
জোনাকৰ দৰে বগা
এই হিয়াখন।
আঁকিব খুজিছা তুমি
প্ৰেমৰ তুলিকা ধৰি
তোমাৰ মোহিনী ৰূপ
মোৰ পৰাণত;
আঁকা সখি ৰং মনে
বুকু মেলি দিছোঁ মই
জিলিকাই তোলা মোক
তযু পৰশত
[88]
কোনে যেন আহি মোক
কলে কাণে কাণে
দুখৰ ৰজনী মোৰ
আহিল পুৱাই,
ভৈৰৱ সুৰে নাশি
কলীয়া এন্ধাৰ ৰাতি
পোহৰেৰে নিব মোক
ওলগ জনাই।
[ ৩৩ ]
42
