এই পৃষ্ঠাটোৰ বৈধকৰণ হৈছে
॥ মিলন ॥
এই বেলি ৰলোঁ মই পঞ্চম সুৰত
ঢালি দিলোঁ সুৰ মোৰ বিৰহ গধুৰ,
কোকিল-কাকলি সুৰে কোনে নো বিনাই
মোৰ সুৰে কোনে গায় সৰগৰ সুৰ?
সোণত সুৱগা ৰূপ কোমল ধৈবত
ৰাগৰ সৌন্দৰ্য্য ই যে কি নো বিতোপন
ধীৰেৰে কঁপনি তুলি বাজে সেই সুৰ
অধীৰ আকুল মোৰ উৰি গ’ল মন।
এই বাৰ বাজিল নিষাদ,
শুদ্ধ সপ্তম মুদাৰাৰ,
পৰাণত লাগে হাহাকাৰ
জীৱনত প্ৰেমৰ পোহৰ।
[ ৪০ ]
সুৰৰ দুৱাৰ মেলি
পোহৰালোঁ মন মোৰ
আঁতৰাই আছে যত
কলুষ এন্ধাৰ।
[ ৩১ ]
40
