এই পৃষ্ঠাটোৰ বৈধকৰণ হৈছে
॥ মিলন॥
[ ২৯ ]
মিছাতে চাপিলোঁ জুৰিটিৰ কাষ
নেপালোঁ সখিৰ মাত,
মিছাতে ঘূৰিলোঁ সেউজী পাহাৰ
সখি মোৰ নাই তাত।
[ ৩০ ]
ক’লৈ যাওঁ মই এই মাজ নিশা
ইকৰা বিৰিণা ফালি ফালি?
যাত্ৰাৰ শেষ নাই,
লক্ষ্য ভ্ৰষ্ট মই প্ৰিয়া আজি।
হাবি-বন, জুৰি, সাগৰ, আকাশ
কোনেও তো নকয় বাতৰি।
কষ্টৰ শেষ নাই,
কত দিন খাম হাবাথুৰি?
নদী হৈ ৰৈ গ’ল নয়নৰ নীৰ
তুমি বাৰু দেখা নাই নেকি?
সকলোকে দেখিছা,
তথাপি নিষ্ঠৰ তুমি সখি।
মোক যাতনা দি পাবা তুমি সুখ?
হাঁহি উঠে ভাবি এই কথা।
কেতিয়াও নোপোৱা,
মোৰ হিয়া তোমাতেই গঁথা।
যদি সুখ পাব খোজা সখি তুমি
দুখ মোক দিছা কিয় ঢালি?
দুখৰ শেষ আছে,
তুমি মোক লোৱা আঁকোৱালি।
[ ২২ ]
31
