এই পৃষ্ঠাটোৰ বৈধকৰণ হৈছে
॥মিলন॥
[ ১৮ ]
তপত চকুলো যাচি
কাকুতি মিনতি কৰি
কত দিন পূজিলোঁ তোমাৰ চৰণ,
তথাপি নিঠুৰ সখি
তুমিতো নিদিলা দেখা
এক তিল মানো যে নেপালোঁ মৰম।
মই ৰলোঁ কান্দি কান্দি
তুমি ৰলা হাঁহি হাঁহি
হাঁহাঁ তুমি আনন্দে মিচিকিয়া হাঁহি,
তথাপি পূজিম তোমাৰ
ৰাতুল চৰণ মই
জীৱনটি শেষ কৰি তিল তিল কৰি।
চাওঁচোন কেনেদৰে
দূৰে দূৰে থাকা তুমি
তোমাক বিচাৰি ফুৰা অভাগাক এৰি,
জীৱন আহুতি দিয়া
পূজাৰীক তুমি বাৰু
দি ফুৰিবা ছলনাৰে কত দিন ফাঁকি?
[ ১৬ ]
25
