এই পৃষ্ঠাটোৰ বৈধকৰণ হৈছে
॥ মিলন ॥
[ ১২ ]
দীপ জ্বলাই তুমি
নুমাই নিদিবা সখি
ঘিট্-মিট এন্ধাৰত
বাট হেৰুৱাম,
মিলনৰ বাটত
আছে বাধাৰ প্ৰাচীৰ
সযতনে ৰ’বা সখি
বন্তি জলাই।
ধৰাৰ বুকুত আহে
কত অমানিশা
আহে আৰু যায় কত
মধু পূৰ্ণিমা,
কিন্তু যদিহে মোৰ
সৰু আকাশ খনিত
তোমাৰ জেউতি কণা
নুমোৱা প্ৰিয়া,
আঁউসী নামিব যে
মোৰ চিৰ জীৱনত
নাহিব আৰু উভতি
জোনাক নিশা।
মোক নেওচি তুমি
যোৱা যদি দূৰলৈ
ৰ’ম মই অকলই
তোমাকেই চাই,
অকলশৰীয়া হৈ
বিচাৰিম তোমাকে
এন্ধাৰে এন্ধাৰে গাম
বিষাদৰ গান।
[ ১০ ]
19
