এই পৃষ্ঠাটোৰ বৈধকৰণ হৈছে
॥মিলন॥
[ ২ ]
চঞ্চল তুমি ৰূপহী কিশোৰী
চঞ্চল তোমাৰ হাঁহি,
হলোঁ চঞ্চল দেখি মনোহৰ
পদুমী চকুৰ পাহি।
চকুৰে জনাই মনৰ ব্যথা
ওচৰ চাপিলা আহি,
ঠকে ঠকে কঁপা ওঁঠ দেখি পালোঁ
নোকোৱা কথাটি বুজি।
চাপি গলোঁ কাষ মনৰ উলাহে
অলেখ সপোন ৰচি,
দূৰলৈ তুমি গুচি গ’লা কিয়
অকলেই মোক এৰি?
[৩]
এই নিয়ৰত মিল হৈ আছে
তোমাৰ অশ্ৰুকণা,
এই জোনাকত আছে বহু মোৰ
অতীত স্মিৰিতি সনা।
উঠিছে ভাহি মনৰ মাজত
তোমাৰ মধু কল্পনা,
ৰং ঢালি ঢালি আঁকিছোঁ মনতে
তোমাৰ ছবি উন্মনা৷
[ ২ ]
11
