এই পৃষ্ঠাটোৰ বৈধকৰণ হৈছে
কবি-নিরূপিত পুথিৰ
কাল।
—
ঘোষা॥
এ দীন-দুখহাৰী।
ভকত-অভয়দাতা গোবৰ্দ্ধনধাৰী॥
পদ॥
সৌমাৰ পীঠৰ গৰ গ্ৰাম নাম যাৰ।
সেহি স্থানে থাকি মই ৰচিলো পয়াৰ॥
নামত যোগিনী তন্ত্ৰ মহেশৰ বাণী।
পৰম সাদৰে যাক শুনিলা গোসানী॥২৯১
আৰু এক কথা কওঁ শুনিয়ো সম্প্ৰতি।
যিকালত পুস্তক ভৈলন্ত সমাপতি॥
প্ৰপঞ্চ কৰিয়া আৰ ৰচিবো পয়াৰ।
তিথি, মাস, বাৰ, অব্দ কৰিবো প্ৰচাৰ॥২৯২
নক্ষত্ৰাদি যোগফল, সকলো বৰ্ণিবো।
ইসবক দিয়া পদ ৰচনা কৰিবো॥
বসুগণ প্ৰথমে মিলিয়া যেবে আছে।
তাৰ বাম পাশে মহা আকাশ প্ৰকাশে॥২৯৩
