এই পৃষ্ঠাটোৰ বৈধকৰণ হৈছে
৬৮
মণিকুট।
অন্তৰ্য্যামী নাৰায়ণ।
যি ধৰাইলা মোৰ মন॥
সিমতে কৰিলোঁ পদ।
শুনা সবে সভাসদ॥২৭৭
ইহাত দূষণ নাই।
নিন্দিবাক নুযুৱাই॥
যেন শশধৰ কৰে।
খদ্যোতে প্ৰকাশ কৰে॥২৭৮
যেন বাৰৱাগ্নি কাষে।
ফুলিঙ্গা প্ৰকাশি আছে॥
গৰুড়ৰ আগ পাই।
যেহেন টিপচি ধাই॥২৭৯
যেহেন কোকিল সুৰে।
মণ্ডুকে ওৰাৱ কৰে॥
ৰোহিতৰ আগ ধৰি।
সফৰীৰ ফৰ ফৰি॥২৮০
যেন স্বৰ্ণ মেৰুবৰে।
উঠিয়া প্ৰকাশ কৰে॥
ইসব দৃষ্টান্ত ধৰা।
মোৰ নিন্দা পৰিহৰা॥২৮১
