পৃষ্ঠা:মণিকুট.djvu/৭৮

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৬৪
মণিকুট।

ধৈৰ্য্য-বিত্ত লৈয়া পাছে।
কৌতুক কৰিয়া নাচে॥
জ্ঞান খঙ হাতে ধৰি।
বৈৰাগ্য ঢাকন কৰি॥২৫৭
স্বধৰ্ম্ম-কৱচ গাৱে।
পিন্ধিয়োক দৃঢ় ভাৱে॥
বিবেক চক্ষুক মেলি।
জাগি থাকা নিদ্ৰা হেলি॥২৫৮
এহিমতে ধৈৰ্য্য বিত্ত।
ৰাখিয়োক প্ৰতিনিত॥
পাছে সেহি বিত্ত নিয়া।
মাধৱৰ পাৱে দিয়া॥২৫৯
ভক্তিৰস কিনিয়োক।
গুছোক সংসাৰ শোক॥
অস্থিৰ শৰীৰ পাই।
কিয় আছা বাট চাই॥২৬০
পুত্ৰ, ভাৰ্য্যা, ধন, জন।
গৃহ-বাৰী পশুগণ॥
ক্ষেণেকে উৰাৱে কালে।
পৰমাৰ্থ লৈয়ো ভালে॥২৬১