এই পৃষ্ঠাটোৰ বৈধকৰণ হৈছে
উৎসৱখণ্ড।
—
ঘোষা॥
কৰিয়ো উদ্ধাৰ মাধৱ বন্ধু।
ভকত জনৰ তুমিসে বন্ধু॥
পদ॥
আত অনন্তৰে শুনিয়ো কথা।
যেন যাত্ৰা কৰে কহো ব্যৱস্থা॥
উত্থায়ন কাল মিলিল যেৱে।
যাত্ৰা মহোৎসৱ কৰন্ত তেৱে॥২২৩
উত্থায়ন ধৰি নানা প্ৰজা মনে।
চলি যান্ত প্ৰভু আনন্দ মনে॥
বিঘ্নিৰ ঈশ্বৰ আছে যি ঠাই।
সবে মেল কৰে তহিতে যাই॥২২৪
প্ৰথমে মাধৱে দৌল বাজ হৈ।
প্ৰজায়ে সহিতে চলিয়া যাই॥
পৰ্ব্বতৰ পৰা নামিয়া আসে।
মধ্যাহ্ণে আদিত্য যেন প্ৰকাশে॥২২৫
